IAS-a zirlaite an tlin theihnan sorkarin theih tawpin tan a la

Mizoram youth Commission Chairman Dr.Vanlaltanpuia chuan zirlai ten Central Service a an inziahluh theihna turin sorkar chuan a tih theih ang tawk ati tih sawiin, zai leh intihhlimna lam kan bawh hum hum ang hian Central Service UPSC Exam tur hian bawh ve hum hum thei ila a duh thu a sawi.
Vawiin khan MYC Chairman Dr Vanlaltanpuia chuan MYC pisa ah thuthar lakhawmtute kawmin, kumin Super IAS 40 Coaching kalpui dan tur chungchang a sawi a, kumin atan Super IAS 40 Coaching chu Crashed course anga kalpui tawh lo in, Foundation Course anga kalpui ani dawn tih a sawi a, Super IAS 40 Coaching kalpui turin Sorkar in a sponsored tura a thlan te chu fimkhur taka kalpui tum a ni a, a tling te chu intiamkamna an ziahtir vek dawn tih a sawi.
Super IAS coaching kaltura Exam hi Mizoram Youth Commission MYC chuan Centre pangnga ah Screening Exam a kalpui dawn a, Aizawl ah mi 397 in Exam an bei dawn a, Lunglei ah chuan mi 88 ten exam an nei dawn bawk a, Siaha ah mi 38, Kolasib ah mi 27 leh Mizoram pawnna awmte tan Screening Exam Delhi ah mi 25 ten vawiin hian an nei dawn ani tih MYC Chairman chuan a sawi bawk.
MYC Chairman chuan Written Exam ah hian mark 50% hmu tling chin atangin Merit list a interview koh a ni dawn tih a sawi a, heng thlanchhuah te hi Vision IAS, LAS, leh Vajiram & Ravi IAS Coaching Centre New Delhi ah an kal anga nakum 2023 UPSC Prelim exam dawn thelngin an awm dawn a ni ati. Heng bakah hian Full Sponsorship hnuaia kalte chuan Prelims Exam vawi 2 an hmachhawn hma chuan Central leh State hnuaia hna dang an exam phalsak a ni dawn lo tih Dr Vanlaltanpuia chuan sawiin, Full Sponsorship hnuaia kalte chu uluk taka vilzui an ni anga, an awm danin a zirloh chuan an Full Sponsorship tih tawp leh sorkarin a senso pawh rulh let tir dan tur thlenga intiamkam tir an ni dawn tih MYC Chairman chuan sawiin, Super IAS 40 Coaching kalpui tur ah hian mi 40 tlingzo an awmloh pawhin pawi an tilo tih sawiin, tuna an hmalakna hi a hlawhtlinna vawi leh khat ah hmuh nghal rum rum tur awmlo mahse, tuna kan zirlaite ah chona leh a chitha kan tuh hi sorkar chuan a tumber a nih thu a sawi bawk.