IMA-in an member thlavang hauhin badge dum bel dawn

Indian Medical Association, Mizoram State Branch chuan thuchhuah siamin, “Tun hnaia kan member in ama thawhna hmun ngeia kut a tuar hi pawi kan tiin hriatthiam har kan ti hle a. Hetiang hi doctor te leh damdawi lama thawktu te chungah thleng tawh lo turin kan duh takzet a. He thil thleng hi IMA member ten kan duh lo takzet ani tih entir nan ni 20 Aug 2022 (Inrinni) hian IMA member zawng zawng te chu kan hnathawhna hmun theuh ah kan lungawi lohna lantir nan badge dum kan bel dawn a ni,” an ti.
Thuchhuahah chuan, “Doctor te leh damdawi lama thawkte venhimna danpui, India ram sorkar laipuiin a lo siam tawh bawhzuia IMA Mizoram State Branch in Mizoram sorkara ‘The Mizoram Protection of Medical Service Personnel and Medical Service Institution (Prevention of Violence and Damage or Loss of Property) Act’ a lo thehluh tawh chu rang taka ti hlawhtling turin kan phut a ni,” an ti bawk.