BJP Mizoram chuan, “Tunlai hian Central Sawrkar Schemes hrang hrang hming chawiin inbumna nasa tak a awm a, Mizoram mipuite chu fimkhur turin BJP Mizoram chuan kan ngen a ni.
“Mi ṭhenkhatin Website lem hmangin PM Modi schemes kaltlanga a thlawna pawisa dawn theihna te bakah laptop, phone leh ṭhalaite bum theihna tur hmangin mi bum (Black) duh pawl an awm a, hengah te hian mipuite chu inhnamhnawih miahlo turin BJP Mizoram chuan kan ngen che u a ni.
“Heng bakah hian PM schemes website ni awm taka siam a awm nual bawk a, hengah te hian pawisa pek lawk ngai ṭhinin, approval lehkha a tak ang taka siam a ni ṭhin a, website rintlak Central Sawrkar website; gov.in , awmlohna chu ring miahloh turin Mizoram mipuite kan ngen a ni.
“India Post tih leh Central Sawrkar hming chawia fraud website tam tak a awm a, hengah te hian a thlawna pawisa dawn theihna ni awm takin mipui an bum ṭhin a, pawisa dawng lovin mipuite chuan an chan phah ṭhin zawk a ni. Hengte a nih avang hian
“BJP Mizoram chuan inbumna hmanga Central Sawrkar hminghliau zawnga khawsa duh pawl an awm hi pawi kan ti takzet a, Zoram mipuite chu heng inbumna laka kan fihlim theih nan fimkhur turin kan inngen a ni e,” an ti.
