Aizawl May 3: Vawiin chawhnu dar 2:30 khan khawvela beng thalo tana khawl siamtu lian ber SIGNIA chuan India hmarchhaka a hmasa ber atan ‘BestSound Centre’ chu Bawngkawn, Aizawlah an hawng ta. Signia hian EL Nathan Hearing Clinic, Bawngkawn chu thawhpuiah EL Nathan Hearing Clinic-ah hian May ni 4 atanga ni 14, 2022 chhungin khawvela beng ri hriatna (hearing) tha ber ber hmanga a thlawna inentirna ‘Hearing Test and Trial Free Clinic’ chu a duh apiang tan neih nghal a ni ang.
BestSound Centre hi India rama beng ri hriatna enkawlna Centre lian ber pakhat niin, India ram hmun hrang hrangah Centre 290 chuang hawn a ni tawh a, vanneihthlak takin a hmasa ber ni turin Aizawlah hian ‘BestSound Centre’ hi hawn a ni ve ta a ni. BestSound Centre hi Sirvanos Company-in Signia brand khawl changkang leh tha ber ber hmanga ri hriatna tha lote a enkawlna tur a ni a, hetianga khawvela hmanraw changkang ber ber hman a ni thei dawn ta hi Mizoram mipuite an vanneih thu Mohan Swamy, Director Sirvanos chuan a sawi a, Mohan Swamy hian he dawr thar hi a hawngin, hmarchhaka BestSound Centre hmasa ber chu hlawk taka Mizo mipuiten an chhawr a beisei thu a sawi.
WHO chuan khawvelah mihring maktaduai 63 velin beng ri hriatna lamah harsatna an tawk tih an tarlang a, chumi zinga zaa 6.3 chu India rama awm an ni.
BestSound Centre hian Nawka Speech and Hearing thawhpuiin, Mizoramah chuan EL Nathan Hearing Clinic an rawn thawhpui a ni. EL Natha Hearing Clinic hi Lalbiakzuali Fenate, MSc in Audiologist and Speech Language Pathologist, a ni a, amah hi Audiologist leh Speech Languange Pathologist MSc ni kawp thei hmasa ber a ni a. A Clinic-ah hian beng lam harsatna chauh ni lo, tawng lama harsatna neite pawh enkawl an ni bawk a ni. Signia brand hearing aids chhuak thar leh changkang ber ber te chu EL Nathan Hearing Clinic-ah hian kan ban phakin chhawpchhuah a ni ta mek a ni.
