India President thlanna tluang taka neih a ni

Aizawl July 19 : India President inthlan vawi 16 na chu India ram hmun dangte rualin Mizoram ah pawh mipui thlan tlin ram hruaitu MLA ten Assembly house ah tluang takin vote an thlak.
India rama office sang ber inthlanna chu State Legislative Assembly ah vawiin chawhma dar 10 khan neih tan niin MLA zawng zawng ten rokhawlhna nei loin vote an thlak vek a ni.
President thlan vawi 16-na atan hian candidate 2, sorkar lai thlawp, Draupadi Murmu leh eptute thlawp Yashwant Sinha te an awm a, rampuma mipui aiawha thlantlin ram hruaitu, vote nei mi 4809 ten President hi niminah an thlang a, state hrang hranga ram hruaitute chu mipui zat atanga tehin an vote hlut zawng chhutsak vek an ni a, Mizoram MLA pakhat vote hlutzawng chu pariat niin, MP te vote hlutzawng chu rampumah inangkhat vekin 700 a ni thung. Vote tla hi tun thla July ni 21 ah Parliament House, new Delhi-ah chhiar a ni dawn a ni.