Vawiin Date 1.4.2024(Thawhtanni) hian MPCC Campaign Committee chuan India Ram Democracy Chhanna Rally, Israel Point ah hman a ni a, he hunah hian Lalnunmawia Chuaungo, Vice President, MPCC, MPCC Campaign Committee Chairman ni bawk chuan thu sawi in, “India ram Democracy hi chhanchhuah a ngai a ni. Keini pawhin tihtur kan nei ve, MP pakhat kan thlang ve dawn a, BJP dodal thei tur Congress Candidate Pu Lalbuiakzama kan thlan a ngai a ni” a ti.
“BJP leh a thawhpui te rorel dan kan hria, a hrechiang tu chu kan Missionary te leh kan kohhran hruaitute an ni. BJP sawrkar hnuaiah hian Election hi ralmuang leh dik taka neih a ni thei tawh lo hial dawn a ni. Tunah hian MP inthlan hi dik lo taka hmachhawn pui min tum mek a.
Pu Modi sawrkar hi Campaign laia an auhla ber thalaite tana hna siam leh ram pawna thalai thawnchhuah te hi a hlawhchham thak a, India ram thalai 65% hi hna neilo an ni mek a, sawi pawh an sawi ri ngam tawh lo. Thalai hna neilo te BJP sawrkar lakah hian an beidawng em em a ni.
“India ram mipuite lakah firfiak taka Hindu nihna chawinun tum tu RSS leh VHP te leh an Political party BJP te hi Hindu tam zawk hian an duh lo a ni. Loneitu pawl hrang hrang te pawh BJP lakah hian an lungawi lova, an beidawng a ni.
“India rama BJP kaihhruai NDA paihthla thei tu chu INDIA Bock te hi an ni a, an dinhmun an hre tawh a, chuvangin dik taka kan inthlan chuan an chak dawnlo tih an hria a, tunah hian Congress chakna tichhiat an tum mek a, an sum leh pai neih pawh Income Tax Department te hmangin an bei mek a ni. Congress Party account 11 zet chu khawih chet theih lohvin an hreng mek a, sum tam tak an chhuh sak bawk a ni. Hetia an tih chhan chu Congress party hian sum kan neih loh chuan kan campaign thei dawn lova, campaign thei lova min siam an tum a ni.
Tui tla hian an hmuh theih ang ang an man a, an ban mai thin. BJP hian tla mai tur niin an inhria a, an man theih theih an man mek a ni. Arvind Kejriwal an man nachhan chu Excise Act a Prevention of Money Laundering Act hnuaiah a ni a, finfiahna pawh engmah an nei lova, politic hmanrua ah an hmang mai mai a ni. PMLA dan hi an hmang sual nasa a, Arvind Kejriwal lakah pawh an hmang sual a, mahse Court ah thiam a chang ngei dawn a ni.
“Pu Modi sawrkar hi Campaign laia an auhla ber thalaite tana hna siam leh ram pawna thalai thawnchhuah te chu a hlawhchham thak a, India ram thalai 65% hi hna neilo an ni mek a, tunah phei chuan sawi pawh an sawi ri ngam tawh lo a, thalai hna neilo te BJP sawrkar lakah hian an beidawng em em a ni. Inthan hmasa a an voters te kha thalaite an ni a, tunah chuan an beidawng tawh a, an vote tawh dawnlo a ni,” a ti.
Pi Vanlalawmpui Chawngthu pawhin thu sawi in, “BJP leh a sangawizawnpui NDA te hi kan ram leh hnam, kan sakhua humhim nan kam paithlak a ngai tawh a ni. Democracy ram, India ramah hian democracy chu a bo mek a, rah behin a lo awm ta a. A ram mipuite kan rum mek a ni. Kan sakhua a zalen tawh lova, hnam hnuaihnung te rahbehin kan awm mek a ni. BJP leh a thawhpui te hian Hindu lal ramah min siam an tuma, tan an la mek a ni. Mipuite hian kan ngaihtuah chian a, kan harh a ngai a ni. Tun tuma kan inthlang tur hi inthlan pawimawh tak ani tih i hria ila, Congress kan vote lo anih chuan Narendra Modi hnuaiah kan awm leh dawn a, kan ram, kan hnam, kan sakhua a him leh dawn lo a ni. Chuvangin kan ram, kan hnam, kan sakhua humhim nan Congress Candidate I vote vek ang u,” a ti bawk.
Zoram Decentralisation Front (ZDF) president Lawmthanga pawhin thusawina neiin, BJP te hnuaiah sakhua tihbik neihna chuan India ram a tuam ta mup mup mai a ti a. BJP te leh a thurualpuite intelkhawmna NDA support tur MP kan thlantlin chuan kan luchungah meiling kan chhekkhawl tihna a ni ang. A chhan chu BJP support tur MP (LS) candidate te chu BJP, MNF leh ZPM te hi zuk ni tlata a ti bawk.
