Aizawl April 9 : Chief Minister Pu Zoramthanga chuan Mizo thalaite tan Football leh infiamna discipline hrang hrangah India leh ram pawn thlenga hlawhtlinna chance tha tak a awm thu leh, infiamna kawngah sawrkar chuan theih ang anga puih zui zel a tum thu a sawi. He thu hi vawiina Undivided Zemabawk Football League Season 6 final a hmanpui naah a sawi a ni.
Chief Minister chuan India football club hrang hrangah Mizo tlangval tel awm nual hlawmin, chhungte tan chhenfakawm nih tlinga hlawh tha tak te hlawh a, eizawnna tha tak an nei chu fakawm a tih thu a sawi a. Game a mi laktlak ni tur chuan taksa hrisel neih a pawimawh hmasak thu sawiin, ruihtheih thil, zuk leh hmuam laka insum a pawimawh thu Chief Minister chuan a sawi a. Vawiina inkhel te pawh chu insum zel turin tura chahin, an hmabak zelah pawh duhsakna a hlan a ni. Chief Minister chuan an khelmual Zembawk North football field chu a siamthatna sum sanction a nih tawh thu leh hna țan thuai a nih tur thu a sawi bawk.
Undivided Zemabawk Football League hi Zemabawk North GSA buatsaih niin season ruk kheh tawh niin, tun tumah hian club pariat an tel a. CM Pu Zoramthanga chuan season li a sponsor tawh a ni. Final ah hian CL FC leh Jupeh United FC te intum a. Champion club in trophy leh pawisafai cheng sing thum an dawng a, runner up in cheng sing khat sangnga an dawng a bawk. Semi finalist te’n cheng sangnga ve ve an dawng bawk a ni.
