Mizoram Pradesh Mahila Congress Committee (MPMCC) chuan, “Vawiin International Women’s Day March ni 8, 2023 a lo thlen hian Mizorama hmeichhia zawng zawngte chibai kan buk a. Hmeichhiate zahawmna, dikna chanvo leh mihring intluktlanna vawng nung zel turin Mizoram mipuite a tharin kan chah nawn leh a ni,” an ti.
“Khawvel changkang zelah hmeichhia leh mipa te intluktlanna kalpui a ni ta zel hi lawmawm kan ti a, Mizo hmeichhiate ngeite politics, eizawnna leh khawtlang, kohhran kaihhruaina kawngah hmasawnna kan nei chho ta zel hi lawmawm kan ti tak zet bawk.
“Mizorama Congress a sorkar chhungin Aizawl Municipal Coorporation leh khaw hrang hrang inkaihhruaina kawngah hmeichhiaten chanvo an nei chho kha hmasawnna nasa tak a ni a. Congress sorkarin AMC, Lacal Council leh Village Council-a hmeichhe tana ‘reservation’ a lo siam kha a hlutzia kan hmu ta zel a.
“Kum 2014-a The Mizo Marriage, Divorce and Inheritance of Property Act, 2014 (Mizo Inneih, Inthen leh Roluahna Dan, 2014) te kalpui a ni ta hi thil chhinchhiahtlak tak a tling.
“Thalai zingah hmeichhiaten khawtlang nun zahawm tak neih chhoh zel a, sualna lam hawia ke kan penna laka mipa kaihruaitu kan nih zel theih nan nasa lehzuala hma la turin kan inngen bawk a ni,” tiin thuchhuah an siam.
