Internet kaltlanga suma inbumna tam

Aizawl June 2 : Sorkar chhinchhiah danin za zela sawmsarih chu internet kal tlanga sum a inbumna a thleng mek a. One Time Password midangte hnena hrilh (share) avanga inbumna thleng a tam hle tih tarlan a ni bawk.
Cyber Jagrookta Diwas chungchangah inhmuhkhawmna Home Secretary H. Lalengmawia hova a pisa a vawiina neih ah Home Secretary H. Lalengmawia chuan Cyber Crime chungchang a mipui zirtirna Cyber Jagrookta Diwas kaltlanga Programe an siam tawh te thlir hona a neihpui a, Information and Communication Technology hmasawn zelah mipui ten fimkhur taka internet banking leh social media kan hman uluk a ngaihzia sawiin, sawrkar record-a a landanin za zela sawmsarih chu internet kal tlanga sum a inbumna a ni tih a tarlang a. One Time Password midangte hnena hrilh (share) avanga inbumna thleng a tam hle tih a sawi bawk a. Covid-19 len vanglaia DIPR youtube channel kaltlanga Cyber Crime chungchang inzirtirna an lo buatsaih tawh chu thlir let bawkin, ziak a feedback za ruk chuang a awm thu sawiin, youtube channel hmantirtu Department of Information and Public Relations chungah lawmthu a sawi bawk a ni.
Meeting chuan heng te a vang hian Cyber Crime do nan nasa lehzual zawka zirtirna kalpui ni se tih chu relin, mawhphurhtu bik te inruat in, Department dangte nena thawhho dan tur rel a ni bawk a ni.