JAC-in phut engemawzat a nei

Mizoram leh Assam sawrkar in ramri chungchang a in biakna an neih tur ah Joint Action Committee on Inner Line Reserved Forest Demand chuan a hnuai ami hi Assam minister leh lo kal te hnen ah lo hrilh a, Mizoram leh Mizo mipuite leh pawl hrang hrang leh party tin ten kan pawmtlan BEFR 1875 a ding nghet tlat tur leh kan unau Zohnahthlak Thangram mipuite duhdan a Mizoram a an lo luh ngei theih nan lo sawipui turin JAC on ILRFD chuan Mizoram sawrkar palaite an phut in an ngen tlat tih an sawi.
He inbiakna ah hian Assam sawrkar in an Game play tenawm tak Police commando Battalion hmang a min vauna leh, thiam tak a Inner Line forest chhung Wild Life Sanctuary a puang a kan ram min rawn nekna hi tawpsan nghal turin JAC on ILRFD chuan Assam hi an phut in an ngen a.
“Kan ramchhung ah status qua denchhan a neutral force ti a para military a dah, mahse Mizo mipui te chauh check a foreign ram Line of Control ang mai a min enkawlna hi a rangthei ang ber in Central sawrkar hian titawp turin JAC on ILRFD kan phut bawk a ni.
“Assam sawrkar hian Inner Line Reserved Forest 509 sqrs miles leh Thangram te hi Mizoram sawrkar kut ah min rawn hlan nghal turin kan phut tlat a, Inner Line Reserved Forest kan neih let nan leh kan unau Thangram te tan hian a tawp thleng in JAC on ILRFD chu a ding tlat dawn a ni tih kan han sawi a ni,” tiin thuchhuah an siam bawk.