Central Jail-ah chawngheia nawrh nei
Ruihhlo tawlh ruk thubuai neih avanga centrail jail-a awm mek, an chung thu court-in a ngaihtuah hun tawh chunga court-in ala koh loh avangin central jail a tang mi 50 velte chuan April ni 13 atang khan chawngheia nawrh an huaihawt a. Tun dinhmunah an hriselna lamah ngaihtuahawm an awm rih lo nia sawi a ni.
Court hian thubuai khawih tur tam tak an neih avangin tuna tang zinga nuar mek te hi an la ko thei lo niin an sawi a. Ruihhlo tawlhruk thubuai avanga court in an chungthu a rel turte hi mi 45 vel niin a tam zawk chu anmahni kut atanga ruihhlo an man ni lo, an in leh motor vela an man a ni hlawm. Chawngheia nawrh tum zinga mi 5 te erawh an kut ngei atanga man an nih avangin nawrh hian awmzia a awm in an hre lova, an nuar ve ta lo niin Prison department a thawktute chuan zawhna an chhang a ni.
