Henry L. Khojol S/o Rev. H.K. Sumkam (L), Editorial Consultant, Press Trust of India (PTI) nilai mek chu smuggling leh counterfeit thil chungchang ah news kal tlanga hna (awareness) a thawh ṭhat a vangin Federation of Indian Chambers of Commerce & Industries (FICCI) chuan chawimawina “Awards for Excellence in Journalistic Reporting on
Smuggling and Counterfeiting Issues” a hlan dawn a ni.
1927 a din, India rama business organisation zinga upa ber leh lian ber FICCI hian smuggling leh counterfeit thilin India economy a nghawng nasat zia ngaihtuah in kum 2011 khan smuggling leh counterfeit dona a tan peng pakhat “Committee Against Smuggling and Counterfeiting Activities Destroying Economy” (CASCADE) a dina, kum 2013 bawr vel a ṭang khan smuggling leh counterfeit dona kawnga hna thawk ṭhazual bik enforcement officer, journalist leh school naupang te hnenah chawimnawina a lo hlan tawh ṭhina.
Kumin hian India ram pumah chawimawina dawng turin journalist 6 thlan an ni a, Pu Henry L. Khojol hi lawmman pakhatna (first prize) dawng tura thlan a ni.
Chawimawina hi September ni 22-23 chhung New Delhi a FICCI CASCADE in inkhawmpui an neih hunah hlan a ni ang.
