BJP Mizoram chuan, “Mizoram mipui te’n kalphung thar hmuh beiseiin, ZPM Party kan thlang tling ta a, nimahsela Kalphung thar zuar tute’n a hlui tih dan an entawn leh tho hi a mak kan tiin, mipui zahlohna leh mipui bumna chiang tak ni ah kan ngai,” an ti.
Vawiina thuchhuah an siamah, “ZPM Party-te kal hmang en hian Mipuiin kan beisei Kalphung thar hmuh tur a awm lo hle a, ZPM Party Office-a Minister te’n a an thusawi ah ngei pawh Party dang te’n a an tih ṭhin, mipuiin ṭhalo kan tih ṭhin te chu sawi chhuakin, Departmental Work te pawh Party mite pek chu Party dang tih dan a nih ve tho avangin, an tih ve tho tur a nih thu an sawi ta mai hi a pawi kan ti hle a, hei hian mipui Sorkar nilo Party Sorkar tho a nih zia tichiang tu a ni. Tun Sorkar ah pawh Departmental Work hian pawngsual a tawk ve leh ngei dawn a ni tih a chiang hle ah BJP Mizoram chuan kan ngai a ni.
“Mizoram mipui hian MNF leh Congress kan hnawl na chhan chu Kalphung thar ṭha zawk mipui Sorkar kan beisei vang chauh a ni a, Inthlan dawn ah CM meuh pawhin, MNF leh Congress te tih ang an tih ve loh tur thu Mipuite hnenah ring takin a sawi chung a, Sorkar tawh te tihdan ang tho an tih ve duh avang hian kalphung thar hi a taka Mizoram kan hmuh hi a rinawm ta lo hle a, Mizoram mipuite zahlo takin min bum a ni tih hi Mizoram mipui ten a hre tu kan ni mek a ni.
“BJP Mizoram chuan hetiang taka Mizoramin Political Party kan ruih chilh hi kan ram leh hnam ang pawh a kan hnufual chhan ni ah kan ngai a, Political Party te’n mipui hmaa kan intiamna ang a hma lak hi kan tih ngei tur a nih laia, mipui hma a kan thutiam te kan tih theih loh hnua sawi mam leh ching tawh lo tur leh Development Politics hi kan intlansiakna tur a ni tih hre thar turin Political Party tin te kan chah nawn a ni,” an ti bawk.
