Vawiin khan ZPM chuan chhung inkhawm an nei a, Pu VL Zaithanzama, MLA chuan thu sawiin, ‘’Tunlai kan ramah chuan kut hnathawktuten sawrkarah an harsatna an thlen ṭhin a, kalphung tharah erawh sawrkarin kut hnathawktute harsatna a zawt ang a, a sutkiansak ṭhin zawk ang,’’ a ti.
Aizawl West III bialtu MLA Pu VL Zaithanzama chuan, ‘’Champhai leh Hnahlanahte sawrkarin Grape a chin tir a, hun leh tha tam tak sengin a hlawkna an tel chho ve dawn chauh tihah an tharchhuahte a man sak hlauh zawk hi a pawi takzet a, kuthnathawktuten hmangaihtu an mamawh takzet a ni. Party tinin kuthnathawktute kan inhmangaihsiak a, inthlan dawna kan thupui leh au hla ber a ni vek thin. Amaherawh chu a taka hmangaihtu kuthnathawktuten an mamawh a, chu chu ZPM Policy-ah awmin a sawrkar hma hauh atangin theihtawp a chhuah nghal a ni. Ei tur min petu leh ngaihtuahsaktute hian tha taka hna an thawh theih nan Pathian hnenah hriselna kan dilpui ang a, a takin an tan kan che chhuak bawk tur a ni,’’ a ti.
Pu Zama chuan, ‘’Central service-a tling pha Mizoten kan nei hlei thei ta lo hi a pawi a, a chhan mawhpuh tur pawh kan dap nasa hle. Tun lai hian Aizawl West III huamchhunga zirna in hrang hrangte ka tlawh kual mek a, kan thalai leh naupangte hian lehkhathiam an tlin a, hnam dang el phak turin thiamna leh finna an kawl tih a chiang hlein ka hria. Kan Education System hian a zir a ngai a ni,’’ a ti bawk.
