MNF Party office Hnam Runah vawiin khan MNF party chuan chhung inkhawm neiin hun hnihna ah MNF Vice President, Vanlalzawma chuan thusawiin, tunlaiah politic ngaihven ve fu fu a taka inhmang lem lo ho atang hian in sorkar leh ang em? tih zawhna hi a tam hle mai a, kan khingpui turte han en hian kan sorkar leh ngei ang, tih hi ka chhanna a ni. Achhan chu ZPM-ah beisei tur tak tak an la awmlo a, Congress nise an te tual tual a, BJP phei chu el tham an la awmlo a ni, a ti.
Vanlalzawma, MNF Vice President chuan, “Nakkum lawkah kan inthlang dawn a, tunlai hian electoral roll revision buaipui mek a ni a, tun dinhmunah, kum 18-49 inkarah hian voter za zelah 62.41 an awm a, kum 50-80 ah voter za zelah 21.56 an awm bawk a, vote nei thar tur hi engemaw zat an awm bawk a, chung ho atang te chuan hmalakna thar kan neih a pawimawh hle a, block leh unit lama kan hruaituten ngaihtuahna thar an hman a tul hle a ni,” a ti.
MNF Vice President chuan, tunlaiah social media khawih thei turin phone changkang tak tak kan hum fur tawh a, social media-ah hian thuthar engkim mai kan hmu thei tawh a, chuvangin kan hman tangkai thiam a tul a, tute emaw va beih kher kha a ngai chuanglo mahse; kan beng tivar turin tunlai milin kan awm ve angai a ni, a ti bawk.
