Vawiin (Thawhtanni) chhun dar 12:00 khan Pu Lalhmangaiha Sailo, President kaihhruaiin PC Party chuan OB Meeting an Party Office Treasury Square-ah an nei.
He meeting-ah hian Pu Lalhmangaiha Sailo, President chuan, “Kan ramin mamawh tam tak a nei a, chumi mila hma lak a ṭul tak zet a ni. A chhanna chu PC Party Policy leh Programme-ah hian a awm a. Chumi tihlawhtling tur chuan PC Party hian a ngaihna kan hria a. A kawng hi thui tak kan lo zawh tawh a ni,” a ti.
Pu Lalhmangaiha Sailo chuan, “Vawiin thlengin sawrkarin ram leh mipui mamawh dik zir chiang loin hma a lak loh ṭhin avangin hma lakna a hlawhchham ṭhin a; kan ram leh mipui mamawh zir chiang hmasain sawrkarin hma la se kawng tam takah kan intodelh ve tawh ang. Amaherawhchu, vanduaithlak takin ram hmasawn leh intodelh tumna tak tak nei loin sawrkar a kal rei tawh a, ram leh mipuiin kan tuar a ni,” a ti bawk.
