“Coruption-a fihlim leh Finance enkawl thiam party President leh Chief Ministerial candidate tur Pu Lalsawta Congress party-in kan nei,” Lalsanglura Sailo, Gen. Secretary, MPYCC chuan a ti.
Vawiin khan MPYCC Executive meeting thurel bawhzuiin tunlai hian MPYCC General Secretary te chuan anmahni bial chan theuh an tlawh chhuak mek a, Tuivawl bial an fan naah Lalsanglura Sailo, Gen. Secy MPYCC chuan thalai pungkhawm te hmaah thusawiin, “Coruption-a fihlim leh Finance enkawl thiam party President leh Chief Ministerial candidate tur Pu Lalsawta congress party-in kan nei a, a kaihhruaina hnuaiah hian sawrkar tha leh rintlak kan siam ngei dawn a. Party workers ten theihtawp chhuahin kan bei anga, Pathian pawhin mal min sawm ngei ang tih ka ring a ni” a ti.
Lalsanglura Sailo chuan, “Kan thil neih ro hlu ber ber te hi sum leh pai hmanga kan lei a ni thin a, Sawrkar tha erawh chu Electronic Voting machine hmangin a thlawnin kan vote chhuak thei a ni. Kan sawrkar hrawn mek hi Zoram mipuite hian kan kham tawh tak zet a, kum 2023 MLA general election lo awm tur hi nghakhlel takin kan thlir a ni,”a ti bawk.
ZPM chungchang sawiin MPYCC Gen. Secy chuan, “Mi hausa leh sum nei tam apiang ten an party-ah a lailum an luah chho a, rinawm taka party tana lo bei ve tang tang tute pawh a sir kilah an hnawl tawm tan mek a ni. Kalphung thar an tih hi Zoram mipuite min lei sak an tum emaw tih mai turin sum lama harsatna nei lo, an sulhnu erawh pawr tak nisi te chu rorelna fawng chelhtu atan an sawm mek zel a ni. Enchhin tih hi tun thlengin an la hlawhchham pui a, enchhin leh chuang tur an awm tawh lo. Congress Sawrkar hmasaah khan kan hotuten tih dik loh leh tihpalh tam tak an nei ve ngei ang. Khang zawng zawng kha siamtha a, din tha leh turin kan hotute an inchher hriam mek a, a result duhawm tak chu kum 2023 MLA general election-ah hian kan hmuh ngei kan ring tlat a ni, a ti.
Vawiina Tuichang bial Congress Thalaite inhmuhkhawmna hi RL Pianmawia, Ex MLA in Darlawn-ah neih niin RL Pianmawia pawhin thalaite fuihna thu a sawi bawk.
