Nilaini zan dar 7:30 khan Kawlkulh khua (Khawzawl District)-a Pu FC Ngaihzuala, Workshop veng chenna in chu ruahsur nasa avanga leiminin luahzui tlak lovin a hnawl a, Pu FC Ngaizuala te thenawm Pu Laldawla in pawh tukin dar 8:45 khan leimin hian luah zui tlak lovin a hnawl ve leh a, vanneih thlak takin thi leh hliam an awm lo nia thu dawn a ni a. Lei hi a hma atanga a lo chet fo tawh avangin zan thum vel chu an lo riah chhuahsan tawh a ni.
Vawiin lamah leimin in a hnawl hi thenfai nghal tura ruahhman a nih laiin, ruah a sur zawm zel avangin tun dinhmunah thenfai hna thawh theih a la nih lo niin Kawlkulh atanga thu dawnna chuan a sawi a. Kawlkulh khaw chhung hmun hrang hrangah chenna atana hlauhawm thei leikhi a awm nual niin kan thu dawn chuan a sawi bawk.
