Aizawl, 21st March, 2022: Vawiin khan Pu Lalchhuanthanga, Aizawl South-II MLA fund leh a mimal sum hmanga siam, Lungleng – Aizawl kawng thar lawmna hun hman a ni a. He kawng thar lawmna hun hi ZPM Leader Pu Lalduhoma leh party hruaituten an hmanpui a ni.
He kawng hi 15kms a thui niin, a siam nan hian cheng 4,30,000 (nuai li leh sing thum) hman a ni a; Lungleng – Serlui (9 Km) hi cheng 2,50,000 (nuai hnih singnga) hmanga siam niin, Tlangnuam – Serlui (6 Km) hi cheng 1,80,000 (nuai khat singriat) senga siam a ni. He kawng hi January 7, 2022 atanga January 22, 2022, (ni 16 ) chhungin lirthei kal theiha sial tlang a ni.
Lungleng – Aizawl (Tlangnuam) kawng lirthei kal theiha siam zawh a ni chu ZPM Lungleng Unit-ten lawmawm an ti hle a, Aizawl South-II ZPM Block bultumin vawiin March 21, 2022 hian lawmna hun hman a ni.
He hun hi ZPM Aizawl South-II Block President Pu F. Rosailova chuan a kaihruai a. ZPM Leader Pu Lalduhoma, Aizawl South – II Bialtu MLA Pu Lalchhuanthanga bakah AMC Councillor Baryl Vanneihsangi, leh General Headquarters hruaitu leh Aizawl South-II Block huam chhunga party hruaitute, Lungleng VC leh NGO hruaitute an tel bawk a ni.
