Aizawl, the 23th Oct. 2022 : 4th Lane Vairengte atranga Kawnpui inkar kawng laih zauhna tura ramlak tur neitu intelkhawm te chuan an ram kum 2 dawn khawih chet theih loh a dah a nih vang leh, an zangnadawmna dawn tur sum chinfel sak an nih loh avanga hmala thuai tura sawrkar nawr nan October ni 25 (Tuesday) zing dar 5:00 atangin Vairengte IOC Godown bul ah Assam lam atranga lirthei lo lut te an dang dawn.
4th Lane Nh 6 & 306 Land Owner Association Inrinni a Kolasib a thrukhawm chuan kawnglaihzauhna tura an ramlak tur chungchang Mizoram sawrkar ah an harsatna chinfel sak tura ngenna an thehluh leh chumi chinfel sak tura sawrkar a mawhphurhna chelhtu nia hriatte Minister hrang hrang te hnena an harsatna an thlen te chinfel sak tura hmalakna hmuhtur a awm rihlo nia an hriat avangin Assam atranga lirthei lo lut zawng zawng te chu dan nisa tiin an rel a, lirthei an dan tur ah hian Mizoram chhunga khualzin phur Maxi cab leh passenger phur lirthei dang te chu dan loh tura tih a ni.
Hetianga hmalakna tura ruahmanna neih a nih chungchang ah hian vawiin Thawhtanni hian Kolasib DC John LT Sanga chuan chawhma dar 11:00 a.m hian meeting ko in hetah hian SP Kolasib, Addl DC & CALA Kolasib, SDO (Sadar) Kolasib, SDC Bairabi, Nh 6 & 306 Land Owner Association OB bakah 4th Lane package 3 to 6 aiawh te tel turin meeting a ko a ni.
Thudawn danin Kawngpuilaih zauhna tura harsatna awmte chingfel tura sawrkar in thuneihna a pek angin October ni 22, Inrinni khan Mizoram sawrkar GAD Secretary hovin, PCCF, DC Kolasib , Competent Authority Land Acquisition CALA Kolasib, DFO Kolasib bakah kawnglaih hna thawk tur NHIDCL ten Four lane chungchangah meeting neiin he meeting ah hian Forest Minister, Serlui bialtu MLA leh Turial MLA te pawh an tel nia hriat niin amaherawh chu thumum a awm thei lo nia hriat a ni. Ram neitute Zangnadawmna pawisa sem turah engmah thutlukna mumal an rello nia hriat a ni. Hetih lai hian Forest Department lam chuan an ram hauh chung changah an tranna ngai ah la trang zelin , an la khauh hle ni a hriat a ni bawk.
