Mizoram Pradesh Youth Congress Committee (MPYCC) General Headquarter chuan, “NGO Co-Ordination Committee huaihawt, Manipur-a Zo-hnahthlak unaute thlavang hauhna kawngzawh tur-ah MPYCC member zawng zawng te tel vek turin kan in hriattir,” an ti.
MPYCC General Headquarter chuan, “NGO Co-Ordination Committee-in Manipur tualchhung buaina avanga kan unau Zo-hnahthlak ten harsatna an tawh mek tuarpuina lantir nan leh an thlavang hauhna kawngzawh, July ni 25, 2023 (Thawhlehni)-a a huaihawt tur hi, Mizoram Pradesh Congress Committee chuan a thlawp thu leh tawiawm vek tur a thu a lo chhuah tawh angin, MPYCC pawh in kan thlawp tih kan tarlan bakah, District hrang hrang-a MPYCC member zawng zawngte pawh NGO Co-Ordination Committee te ruahman na hi lo thlawp a lo tawiawm turin kan in hriattir bawk a.
“NGO Co-Ordination Committee-in Manipur-a kan unau Zo-hnahthlak-te harsatna tawh mek hriatpuina leh tawrhpuina lantir nan a, Naktuk July ni 25,2023 (Thawhlehni) chawhma dar 11:00 atanga kawngzawh a huaihawt chhung hian, MPYCC office chu khar a ni dawn a, MPYCC office-ah hian puandum zar a ni dawn bawk a ni,” an ti bawk.
