Kelkang daiah kuhva ro DC ho a man sa halral a ni.

Inrinni kalta
zan dar 8 vel khan Champhai DC Pi Maria CT Zuali
leh a hote, Farkawn
tlangdunga zin haw lamin
Champhai atanga km 19
vel, Kelkang daiah dan
lova kuhva phur
ru te hmu in an
man a, an kuhva
phurte hlanthlak
tira kawng sira an
dah tir chu, thalai
rual ten an hal ni
a thudawn a ni.
Champhai
Bawrhsap sawi
dan chuan heng
kuhva rote hi truck 7
hmanga phurh an ni a,
truck 3 chu hnamdang ta
leh truck 4 dang chu Mizo
ta a ni a, Champhai DC
chuan dan lova kuhva ro
a sumdawn leh phurh
khapna thupek a chhuah
atanga thla khat hnu leh
Chief Minister hova dan
lova khawchhak atanga
sumdawnna kal mek
tihtawp dan tur official ten
Dec. 14 zana an rel hnu
atang khan Champhai
atangin kuhva rah ro chu
hmun danga kalpui turin
kawngpui pangngaiah
phurh a ni a. Ni dangah
chuan sumdawngte hian
kuhvarah ro hi kawngpui
pangngaiah kal tir lovin an
hel thin a. Thawhlehni
atang khan kawngpui
pangngaiah kalin ni khatah
truck trip 25 zel kalin December 16 atangin truck trip
30 kal tir thin a ni a.
Inrinni zan a kuhva
phur DC leh a hoten Kel –
kang daia an man kawng
sira an unload tir hal a nih
chungchangah hian Lalhruaitluangi, Chaltlang Lily
veng Aizawl nia inchhal
chuan Champhai Police station-ah FIR thehlutin, a
truck 4, kuhva, quintal 120
vel phurtute chu Champhai
DC in man sakin halral a
nih thu a thlen a, Champhai
DC chungah a tul anga action la turin a ngen a ni.