Kerala Legislative Assembly-a Financial Committee pakhat, Committee on Local Fund Accounts (CoLFA) Chairman Shri T.P. Ramakrishnan leh member MLA 6 ten Study Tour neiin India ram State hrang hrang an tlawh zingah Mizoram tel ve in, ni 11.10.2022 khan Aizawl an lo thleng a. Vawiin, 12.10.2022 hian Mizoram Legislative Assembly-a Committee on Local Fund Accounts nen Assembly Committee Room ah Sister Committee meeting an nei. Pu C. Lalmuanpuia, Chairman, CoLFA Mizoram leh Member 3, Pu Nihar Kanti Chakma, MLA, Dr. F. Lalnunmawia, MLA leh Dr. Vanlalṭanpuia, MLA ten lo dawngsawngin State pahnih a Local Fund Accounts Committee te hmalakna leh hnathawh dan tlangpui te an sawiho bakah State sorkar hnuaia Local Body hrang hrang te pawisa dawn leh hman dan te dik taka kalpui a pawimawh thu te, Local Fund Accounts Committee pawimawhna leh tihchak zel a a ṭul dan te sawiho a ni bawk.
Sister Committee meeting neih zawh hian Pu Lalrinliana Sailo, Hon’ble Speaker, Mizoram Legislative Assembly chu a room ah an hmu a, chhunchaw a lo buatsaih sak a ni. Chawhnu lamah Mizo Typical Village, Falkawn tlawhpui an ni bawk.
Kerala MLA rualte hian ni 13.10.2022 hian Shillong panin Mizoram an chhuahsan leh ang.
