All NGO Joint Committee, Khawruhlian chuan, “NH 150 Khawruhlian khaw hnuaia kawng laih thar chuan kan khaw luh leh chhuahna kalkawng ber a tih min chhiat avangin harsatna nasa tak a thlen mekah tunthla chhunga motor kal tlang theiha siam a nih loh chuan National Highway danpin a ni ang,” an ti.
All NGO Joint Committee, Khawruhlian in resolution an siam danin, Khawruhlian khaw chhunga VC, Joint YMA, Branch YMA pahnih, Branch MHIP pahnih, Mizo Upa Pawl Branch pahnih leh MZP Khawruhlian Sub Headquarters in tiam rualte chuan, July ni 31 2022 ralhma ngei a Khawruhlian khawchhung paltlang kawngpui, chhim lam leh hmar lam atanga lirthei luhna leh chhuahnna chu, lirthei eng chi pawh a kaltlang leh theih nan siamthat anih loh chuan August ni 1, 2022 atangin NH 150 Khawruhlian ram chhunga kaltlang chu tiamchin awm lova dan pin(road block) an tum tih an sawi.
He an harsatna tawh mek hriatthiampui a, chaktaka hma lak pui turin thuneitute All NGO Joint Committee, Khawruhlian chuan an ngen a ni.
