Khawzawl District ah ASF hrileng vawkin vawk thih belh

Tunlai hian Khawzawl District huamchhung Puilo khuaah Vawk 11 a thih belh leh a, heti hian Puilo khuaah hian ASF vangin vawk 12 a thi tawh a ni.
Khawzawl Vety Officer Dr. Phillip Lawmsangzuala sawi danin, Khawzawl District huamchhungah hian March thla tawp lam atangin ASF vanga Vawk thi awm tanin, tun dinhmunah Khawzawl khaw pum, Tualte, Chawngtlai leh Sialhawk khua te chu ASF hri lenna hmun, Infected Area-ah puan mek a ni a. Infected Area a puan lai khaw 4 bak a ASF vanga Vawk thi awmna Puilo khuaah chuan ASF vanga Vawk 1 a thih atanga thlakhat chuang a liam hnu, Nilaini khan Vawk 11 lai a thih belh leh a, Puilo khuaa Vawk thi te hi thla 3-8 inkar 1 leh thla 8 aia upa 10 an ni a. Heti hian ASF vangin Puilo khuaah hian vawk 12 a thi ta a. Puilo khua bakah hian Sialhawkah vawk 30, Chawngtlaiah Vawk 18, Tualteah vawk 24 leh Khawzawlah Vawk 211 thi tawhin, Khawzawl District-ah Vawk 296 a thi tawh a ni.