PC.Party chuan thuchhuah siamin, “Kum 2022 Krismas leh kumthar 2023 tluang taka buaina leh harsatna lian tham tawk lova Zoram puma hman zawh a ni thei ta hi PC Party chuan lawmawm kan ti a.Dan leh thupek kenkawhna kawnga Mizoram Police Force te thawhrimna te, Kohhran leh tlawmngai pawl hrang hrang thahnemngaihna te, Thuthar lakhawmtute’n TV leh chanchinbu hrang hranga Muanawm taka Krismas leh Kumthar kan hman theihna tura theihtawp chhuaha an hmalakna te PC Party chuan fakawm kan tiin kan chhuang takzet a ni,” an ti.
PC Party chuan, “Zoram chhung leh pawna Zofate zawng zawg kumthar 2023 chibai kan buk a.He kumthar 2023 lo inherchhuak leh ta ah hian Kan ram, kan hnam kan sakhua a him deuh deuh theih nan PC Party chuan theihtawp kan chhuah zel dawn a.Zoram mipuite tawiawmna kan ngen thar leh a ni,” an ti bawk.
