Association for Voluntary Blood Donation (AVBD), MSACS leh blood bank-te chuan kumin December thla chhungin Krismas puala thisen pek an huaihawt dawn a; vawiin December 1, 2022 chawhma dar 10:00 khan Civil Hospital, Aizawl Blood Bank-ah medical superintendent Dr Zoramthanga’n a hawng.
Krismas puala thisen pek hawnna inkhawm tawi, blood bank-ah neih a ni a, AVBD vice president Dr Zoramdinthara’n a kaihruai a, AVBD general secretary Lalrinkima’n report a pe.
Thisen pek hawngtu Dr Zoramthanga chuan, thisen pek lama Mizo thalaite an thangharh zel chu lawmawm a tih thu leh blood bank-a thawktute’n thahnemngai taka an hna theuh an thawk thin chu fakawm a tih thu a sawi a. Mizo thalaite chu thisen pek uar zel tur leh Krismas puala thisen pe theuh turin a sawm a; blood bank-a thawkte [awh an hmazawn \heuha an hna leh mawhphurhnate hlen tura bei \ang \ang zel turin a chah bawk.
A hnuaia mi hi AVBD General Secretary report tlangpui a ni.
Kum tin hian Krismas leh Kumthar bawr chho hian thisen petu kan tlem in thisen mamawhna erawh a sang leh thung si thin a. Hunpui lai a nih vangin accident te a lo tam duh a, mahni khaw lama haw an lo tam bawk a, chubak ah pawl hrang hrangten an hruaitu thlan thar hunlai anih thin avangin thisen pe tu kan tlem ta hret thin ani.
Hemi avang hian AVBD leh Blood Bank tangkawp chuan December thla tir atangin Krismas pual thisen pek hi a buatsaih thin a. Mi tam takin hemi hun hian an thisen te ui hauh lovin an rawn pe thin..
Kum 2010 vel atangin Krismas vuakvet a thisen pek hi buatsaih tan niin a lang. NSS, Kohhran hrang hrang thalai pawl, YMA Ieh NGO dangte sawm in kan hunpui lai hian thisen tlakchham a awm loh nan AVBD chuan Blood Bank nen tangkawp in thisen pek runpui hi kan buatsaih thin a ni.
Mi tlawmngaite zarah vawin ni thlengin thisen thianghlim a hun taka dawn loh avanga boral kan la awm lo bawk hi a lawmawm tak zet.
Thiamna lamah hma kan sawn zel avangin tun lai hunah phei chuan thisen var tangkaina kan doctor ten an hria a. Amaherawhchu, ni 5 baka dam loh avangin thisen hi vawi l a pek teuh hi a fuh ta lo riau mai a ni. Khawngaih in pawl angin tum 1 a thisen pe teuh lovin thla thum dan zel ah ipe tlang zawk ang u hmiang. Tichuan thisen var tangkai tak hi chatlak awm lovin damlo thisen mamawh ten an nei thei dawn a ni.
Kumina Krismas puala thisen pek hi December 1, 2022 a\angin a ni a, Civil Hospital, Aizawl, Synod Hospital leh ZMC blood bank-ahte thisen pek theih a ni ang. Blood bank-a thisen pe apiangte hnenah ei leh in tur tunhnai zawk pek zel a ni dawn. District danga blood bank-ah pawh AVBD hruaitute leh blood bank officer-te’n thisen mamawh dan en chungin Krismas puala thisen pek an huaihawt dawn a ni.
Aizawl bikah tun hnaia Krismas puala thisen pek dan:
BLOOD BANK 2019 2020 2021
Civil Hospital, Aizawl 690 1,108 1,378
Synod Hospital 338 179 317
ZMC Blood bank 64 26 128
BELHKHAWM 1,092 1,313 1,823
