Jt.Group YMA Study Team chuan nimin khan Mamit ah, Kailash Choudhary, Minister of State for Agriculture & Farmers Welfare, Govt. of India chu hmuin, Kuhva thataka an hralh theih nan hma laksak turin ngenna an thlen.
Kailash Choudhary chuan, Mizoram kuhva tharte thataka a kal theih nan Union Home Minister, Amit Shah lo sawipui a tum thu te, Assam sorkar leh Mizoram sorkar pawh sawipui a tum thu study team te hi alo hrilh.
Jt.Group YMA Study Team chuan, “Kan Kuhva te man zawk leh mumal zawka kan hralh theih dan turte sawilan a ni bawk a. Hachhek bialah Kuhva sawngbawlna kan neih loh thute Minister hi hrilh a ni a. Minister chuan, Farmers Producer Organisation (FPO) te lo din a, central atanga kuhva sawngbawlna tur ngaihtuahpui an nih tur thu Study Team te hi alo hrilh bawk.
“Kailash Choudhary kan hmuh theih nana hma min laksaktu, Mamit DC Lalnunhlua leh BJP Mizoram Pradesh President, Vanlalhmuaka leh a thawhpuite chungah Study Team ten lawmthu kan sawi a ni,” an ti bawk.
Kuhva chungchang Union Minister sawipui
Leave a Reply
-iOS Version