Kuhva ro leh Poppy Seed phurtu lirthei 6 a kang

Inrinni zing dar 4 leh dar 5 inkar vel khan kuhva leh poppy seeds phur lirthei paruk chu Zamuang atanga kilometre 1 leh a chanve vela hla, Putar lui bulah hal a ni a, Kanhmun Police station ah thubuai ziah luh a ni.
Thu dawn danin, heng lirtheite hi Aizawl atanga chhuk niin, Putar lui bulah tukin zingkar khan mipui thinrim chuan an hal a, Kanhmun Police station ah thubuai ziahluh nghal niin, Police te chhinchhiah dan chuan, lirthei te hi -Bolero Pick up Pu Rammuansanga Thinghlun ta. (25 bags Poppy seeds)Bolero Camper Lalrinliana Thinghlun ta. ( 15 bags poppey seeds) Bolero Pick up Jairasa, Luimawi ta (kuhva ro 20 cartoons boxes) “Tata Ace Rozamliana Bilkhawthlir ta ( kuhva ro 25 bags bag khat khat 80kgs) Tata Yodha Batzovi Vairengte ta ( kuhva ro 27 bags ) Isuzu SML Dawngsianmang Champhai Bethel veng lirthei ( 70 bags)te an ni a, Thinghlun lirthei pahnih leh Luimawi lirthei te hian an thil phurh chu popey seed leh kuhva ro a ni tih an hriat loh thu an sawi a, Lirthei a an thil phurhte hi dahthlak a nih hnuah hal a ni a, bungrua hlan thlak zawh hnuah lirthei pakhat erawh a tlan chhuak hman thung a ni. Lirthei kanna hmun hi Zoramthara Addl SP Mamit chuan a hmunah a enfiah nghal a ni.