Sesawng Field Veng Branch YMA te chuan an thudawn bawhzuiin vawiin chawhnu dar 2:30 khan Tuirini kam ah Kuhva ro phur lirthei 2 an man.
Sesawng Field Veng Branch YMA President, Lalnunmawia hnen atanga thu dawn danin. Kuhva ro phur motor an awm thu report an dawn chu bawhzuiin, Tuirini kai (Tipaimuk Road) ah an zu zawng a. An hmu mai lo, haw tura an in ruahman mek laiin Tuirini lui pawhtu kawng Tlak al peng ah Motor 2 lo biru chu an zu man a ni.
Motor an man te hi Tata 207. MZ04 A0687 leh Isuzu SML medium Truck MZ04A4078 te an ni a. Motor khalh tute hian Kuhva ro hi Dawnnovi, Aizawl Dinthar veng ta niin an sawi. Sesawng Field Veng Br YMA te hian an Kuhva ro man te hi a phurtu lirthei nen Seling Police ah an hlan nghal a ni.
