Vawiin ni 21.09.2024 (Inrinni) zing dar 8:20 vela thli leh ruah nasa taka a thawh laia Kulikawn Mini Sports Complex-a Basketball Court chung chim chu Kulikawn Mini Sports Complex (KMSC) Joint YMA Committee member ten a hmunah rang taka kalkhawmin enho nghal a ni a, pawi an tih takzet thu an sawi.
Basketball Court chung chim hi a châk hman nawn leh tur hisap a fimkhur taka ṭhiah a ngaih dawn vangin hnatlanga han senghawi chi a nih hmel loh a, a ti thei awm tur te biain karleh Thawhṭanni aṭangin hna thawh ṭan tura ruahman a ni. Siamṭhat anih hma chuan a chung awm lova inkhelh zui theih turin a rang lama buatsaih a ni ang.
A ṭhiah hna thawh hma hian la tlusawp leh thei a ni a, chetsual palh laka fihlima nih theih nan a bul hnaiah tumah awm lo turin an inhhriattir a ni.
