Mizorama tleirawlte Ruihhlo laka an fihlim theih nana hma ngawrh taka la tu, tlawmngai pawl Foundation For Drug-Free Mizoram chuan Exodus English School, Chaltlang a zirlaite hnenah ruihhlo that loh zia inzirtirna hun vawiin khan an hmang.
Resource Person Zothanmawii chuan zirlai naupangte chu zuk leh hmuam atanga insum tur leh ruihhlo ti lo turin a sawm. Exodus zirlai naupangte hian Ruihhlo tel lo nun duhawm zawk an thlang tih entir nan zirlai mi 52 ten signature card a hming ziakin an intiam. Foundation For Drug-Free Mizoram hian hmachhawp thlirna siamin kum 100 chhungin Mizorama khua zawng zawng – khaw 850 te tlawhchhuah a, zirtirna pek vek an tum a ni.
