Vawiin khan Land Revenue & Settlement Department ten an Directorate pisa ah kumthar inhlan tharna inkhawm neiin, he hun hmanpuitu Land Revenue & Settlement Department Minister Lalruatkima chuan ram hmasawnna hnukpui thawk turin ram hmunhma a pawimawh hle tih sawiin, chutiang buaipuia chingfel tu pawimawh anni tih hrethar leh turin Land Revenue Department hnathawk tute chu a chah.
Minister chuan min dawrtuten Revenue Department chu dawr an nuamin an fel hle mai, thlei bik nei lovin hna an thawk a ni tih hi min hmuh dan nise a duhawm hle a ni ati a, Min dawrtute hi kum Upa lam te, mi harsa leh berh ve tete te pawh an ni ang, rilru dam taka kan siam hi a tul a ni. An “thil dil ang kan ti fel thei vek lo a nih pawhin rilru nuam tak leh hlim taka kan thlah liam zel hi a pawimawh takzet a ni. “Minister chuan kan hna hi mi tam takin thawh ve an chak mahse harsatna leh hun remchangin a nan ve loh avanga thawk ve thei lo te an ni tih hriaiin biak harsa leh min dawrtute induh khum hi kan awmdan tur a ni lo tih hi kan hriat thar leh a tulin atih thu kumthar inhlantharna ah hian a sawi a ni. Vawiina Land Revenue & Settlement Department kumthar in hlantharna inkhawm hi LR&S Director K Lalhmingthangan kaihruaiin, Land Revenue hmalakna thenkhat tarlan a ni.
Kum 2022 chhungin Land Revenue & Settlement Dept chuan Land Settlement Certificate LSC – 3027 Agriculture LSC Pass 42,House Pass -1621. Periodic Patta Pass -6872, Land Lease – 261 chingfelin a pe chhuak a, heng bakah hian Rambuai 490 chingfel in, LSC Mutation -7007 tihfel a ni bawk. Tunah hian sorkar laipui ruahmanna angin Digitization of old Records kalpui mek ani a, LSC -51223 records ani a, kalpui mek 21891a awm bawk. District zawng zawng ah pawh kalpui chhoh tum mek a ni.
