Kum 2023 – 2024 atana Synod sum hmantura ruahman Rs 4,28,79,93,000

Mizoram Presbyterian Church of India Synod inkhawmpui vawi 99 na Khatla Presbyterian Biak chu nizan khan tiakin nimin Pathianni inkhawm ah Pastor nem nghehna, Pro Pastor ruattharna leh Pastor pension thlahna neih a ni.
Pathianni chawhma inkhawm Moderator Rev Dr. C. Chawnghmingliana kaihhruai ah hian Pastor atan mi 15 nemnghehna neih niin Kohhran thurin zawhna leh thutiamna neih tir an ni a, Pro Pastor atana lakthar mi 10 te dahnghehna neih a ni bawk. Hemi rual hian Pastor Pension tur mi 10 te thlahna neih ani bawk. Synod inkhawmpui thlarau lam thupui atan Pathian Lana leh thuneihna (Rom 11:36) hman a ni. Inkhawmpui pual hian chawhnu inkhawm ah Lalpa zanriah sakramen theh ani a, zan inkhawm ah Rev. Dr. Vanlalnghakan Pathian thuchah a sawi bawk a ni.
Synod inkhawmpui lian vawi 99 na ah hian General Agenda 42 bakah nomination, Pastoral leh Synod Executive Committee SEC/Board atanga thu lutte rel a ni a. Finance report atanga a landanin April 2022 atanga October 2022 chhungin Mizoram Synod in Pathian ram leh Ramthara sum a hmuh zat chu Rs 1,82,67,98,533/- a tling a ni. Synod inkhawmpui ah hian Presbytery pariat atangin General Agenda sum eirukna Corruption do chungchang lutin kohhran mipui beng a verh hle. Covid 19 hripui len hnua palai kal thei zat titlem lova inkhawmpui neih lehna hmasa ber a ni a, ni 6 Nilaini atanga inkhawmpui tan ah hian palai zawng zawng mi 2310 niin palai inziak lut mi 2132 an awm a ni. Kohhran inchhiarna atanga lan danin Presbyterian kohhran hnuaiah dan zawhkim kum 2021 leh 2022 inkarah mi 446077 an awma, kohhran member zawng zawng mi 618854 an awm bawk.
Kohhran member mipa 300279 leh Hmeichhia 318575 an awm bawka, kum 2023 leh 2024 atana Synod sum Budget hmantura ruahman chu Rs 4,28,79,93,000/-ani.