Mizo Writers Association chuan kum 2024 chhunga Mizo ṭawnga lehkhabu lehlin ṭha ber atan Robert T. Kiyosaki leh Sharon Letcher-te ziah “Pa Hausa, Pa Rethei (Rich Dad, Poor Dad)” tih, Lalrinzuala Pachuau lehlin chu a thlang a. Vawiin 9/05/2025, Chhun dar 12:00 hian lehkhabu lehlin ṭha ber lawmpuina hi Mizo Writers Association chuan, Mizo Language Development Board (MLDB) office-ah an hlan ang.
Hemi rual vek hian Mizo Writers Association chuan kumin HSLC Result chhuaka Mizo Subject-a tiṭha ber Vanmalsawmsangi, Sawleng hnenah “LALMAMA PROFICIENCY PRIZE” leh HSSLC Result chhuaka Mizo Subject-a tiṭha berte- Anjana Marapawnia Azyu, Siaha Meisavaih East leh Melody Lalruatsangi, Ramhlun South hnenah “CH. PASENA PROFICIENCY PRIZE” an hlan tel bawk dawn a ni.
