Vawiin 10. 12.2022 zingkar ah khan Aizawl South I bialtu MLA C.Lalsawivunga chuan a bial chhunga Republic Vengthlang-a kum 75 tlingte hnenah christmas present atan blanket a pe.
Blanket pek inkhawm tawi hi Republic Vengthlang YMA Hall ah neih niin, he hunah hian bialtu MLA C. Lalsawivunga chuan thusawina hun tawi hmangin, a bial chhungah kum upa eng emaw zat an awm chu lawmawm a tih thu leh kum upa-te chu an thlamuanpuiawm thu a sawi a. Kum 75 dam tlinga an awm thei chu Pathian malsawmna a nih thu sawiin, kum upa an nih avanga inkiltawih mai lova an tawnhriatte atang pawha khawtlang leh ram tan thurawn pek hreh lo turin a chah a ni.
He hunah hian Republic Veng chhunga kum 75 tling chin mi 79 hnenah C.Lalsawivunga hian blanket a pe a ni.
