Vawiin February ni 28th, 2023(Thawhlehni) hian kum 2023 atan a Mizo National Youth Front(MNYF) Executive Meeting hmasa ber chu MNF Ṭhalai Room-ah neih a ni a. MNYF Treasurer H.Lalroliana chuan meeting hi a kaihruai a ni.
MNF ṭhalai Headquarters’ ṭhutkhawmna ah hian inhmel hriattirna leh kumthar intuaitharna neih nghal a ni a. Mizo ṭhalaite tan ṭangkai zawka MNYF-in hma a lak theih dan turte, ram pum huapa MNF ṭhalaite chak zawka hmalak theih dan tur rel ho a ni.
He hunah hian MNYF President Dr. L.Thangmawia MLA chuan thusawi in, Chief Minister Pu Zoramthanga hi rem leh rem lovin lehlam hote’n bei thin mahse Pathian hruaina in a kaihhruaina hnuaiah hmalam kan pan mek zel a. Nikum lama Sawrkar tur thawka thaw te pawh Budget Session a zawh dawnah meuh chuan hniam lam an pan hret hret zel a ni” a ti. Kan Minister-te an tha em em a, Opposition lamin sawiselna tur an hre lo va, Covid hripui leng kara theihtawp chhuaha an hmalakna te a rah kan seng chho mek a. Chuvangin, kumin inthlanpuiah pawh MNF-in hneh takin Sawrkarna a siam ngei dawnin a lang. Kan elpui ber tur Party hi khawi party zawk nge ni ang? tih kan inrinsiak mek rih a. MLA ngah zawk leh a lian zawk a inngai party pawh hunrei lote ah an chhungkhur buaina hi a puak keh lovang tih a sawi theih loh a ni a ti bawk. Pu Thangmawia chuan, kan hun tawn mek hetiang a nih lai hian MNF thalaite hian kan elpuite chhiat avang emaw a lawm mai lovin, ram tana thawk tura kan inpekna zawk avanga sawrkar kan tum fo thin zawk tur a ni” a ti bawk.
He huna thusawitu dang MNYF Vice President Pu Zodinpuia chuan ZPM chu inngahna mumal neilo; mi pakhat ngaihdan leh thusawi anga kal mai ṭhin an ni tih sawiin, hunrei tak zawlnei inlarna changchawiin Ni (sun) an tuipui a, tunah chuan Ni eng hliahtu Lukhumparh an sawi mawi leh nasa tawh a ni, a ti a. Mizoram Politics-ah innghahna lungphum nghet nei lo Party-a daihrei ngai lo niin a sawi.
MNYF Vice President Pu Zodinpuia chuan, MNF ṭhalaite’n ram leh hnam tan ṭhahnemngai taka hma kan lakna ah Mizote hnama min dintu Pathian duh danin kan kal em tih inzawh fo a pawimawh thu sawi in, thudiklo hmanga Politics-a inchirhthehna awm ṭhin lakah MNF ṭhalai hruaitute chu fihlim tura chah in, Mizo ṭhalaite tan MNF-ah hmunzau tak a awm a, ram leh hnam veitu ṭhalaite chu Mizo Nationalism vawng rengtu MNF-ah rawn tel zel turin a sawm bawk a ni.
Vawiin a MNYF Headquarters Executive Meeting chuan resolution pahnih (2) a pass bawk a ni.
1. Chief Minister Pu Zoramthanga thawhrimna leh ṭhahnem ngaihna avanga Mizoram budget thar cheng vaibelchhe 14209.95 zet mai hman theih tura peih a ni ta hi lawmawm kan ti a. Assembly Budget session a Minister hrang hrangten theihtawp chhuahin an Deptt an enkawl tih a rawn lang hi lawmawm kan ti a, MNF MLA zawng zawngte inbuatsaihna a ṭha in, ram tana an inpekna MNYF chuan a chhuang takzet a ni.
2. Mizoram rorelna insang ber Assembly House ah Myanmar leh Bangladesh atanga kan unau raltlante tana lungrual taka resolution passed a ni ta hi MNYF chuan lawmawm kan ti a. Hei hian Chief Minister Pu Zoramthanga leh a kaihhruai MNF chu Zohnahthlak zawng zawngte Inpui a ni tih a ti chiang ah kan ngai a ni.
