Lai Autonomous District Council a Chief Executive Member C.Lalmuanthanga chuan Executive Member pakua a ruat, Governor in May 27, 2024 a a pawm te chu vawiin khan LADC Hall, Lawngtlai ah Lawngtlai DC Pu Chemala Siva Gopal Reddy chuan rinawmna thu tiamtirin LADC Executive Member atan a lalut a, lakluh hnu hian CEM hian Executive Member te hna chanpual tur tur a puang nghal.
K.Lalthanzara Executive Secretary, LADC kaihhruai, Executive Member te lakluhna ah hian Lawngtlai DC chuan MDC pakua Lungtian bialtu Sanghuliana Mualchin, Vathuampui bialtu C.Rongura, Sekulh bialtu Lallawmsanga Apetow, Bazar Veng Lawngtlai bialtu Lalropuia Chinzah, Chawngte ‘P’ bialtu Andrew Laltlanzara, Bualpui East bialtu L.Daniala, Sangau South bialtu JB Vanhoy, College Veng Lawngtlai bialtu C.Hrangthianga leh Diltlang South bialtu HC Lalthawmliana te chu rinawmna thu tiamtirin a la lut.
CEM C.Lalmuanthanga chuan a kaihhruai Sorkar dintheihna turin State Chief Minister Pu Lalduhawma leh DC&MA Minister Lalsawivunga ten theihtawp an chhuahpuina ah lawmthu a sawi a, Mizoram Governor in pa chanchanga hma a lakna ah lawmthu a sawi bawk.
LADC Sorkar chu Executive Member tha tak tak nen fuke kim chhozelin hna an thawkthei tur chu lawmawm a tih thu CEM chuan sawiin, langtlang Sorkar, mipui banphak, thuneifalbik awmlo, rualkhai taka ram tana hnathawh chu an tumber a nih thu a sawi.
CEM hian amah leh Executive Member pakua te enkawltu Department te a puang nghal a, vawiin vek khan Executive Member te hian an room luahnghalin Pathian hnena lawmthu sawina leh inhlan tharna an nei nghal.
CEM leh Executive Member te hnachanpual, an enkawltur Department te:
1. C. Lalmuanthanga ,Chief Executive Member.
1. General Administration & Control Department.
2. Planning & Programme Implementation Department
3. Finance & Accounts Department.
4. Environment, Forest & Climate Change Department.
2. Sanghuliana Mualchin, Executive Member
1. Education Department. (Primary School including LADC-BSE)
2. Taxation Department
3. A.H. & Vety. Department.
4. Parliamentary Affairs.
3. C.Rongura, Executive Member.
1. Art & Culture Department.
2. Transport Department.
3. Land Resources, Soil & Water Conservation Department.
4. Lallawmsanga, Apetow Executive Member.
1. Rural Development Department.
2. Public Works Department.
3. Law & Judicial Department
5. Lalropuia Chinzah, Executive Member.
1. Land Revenue & Settlement Department.
2. Information & Public Relations Department.
3. Information & Communication Technology Department
6. Andrew Laltlanzara, Executive Member.
1. Education Department (Middle School including Adult Education, Laica and Hindi Propagation Wing).
2. Sericulture Department.
3. Inland Waterways Department.
7. L.Daniala, Executive Member.
1. Local Administration Department.
2. Urban Development & Poverty Alleviation Department.
3. Sanitation Department.
8. JB.Vanhoy, Executive Member.
1. Social Welfare Department.
2. Disaster Management & Rehabilitation Department.
3. Co-Operation Department.
9. C. Hrangthianga, Executive Member
1. Agriculture Department.
2. Horticulture Department.
3. Sports & Youth Services Department.
4. Minor Irrigation Department.
10. HC. Lalthawmliana, Executive Member.
1. Public Health Engineering Department.
2. Industry Department.
3. Fisheries Development Department.
