National Institute of Technology Mizoram sixth convocation chu Vawiin khan MZU auditorium ah neih a ni a, Mizoram Larsap Dr Hari Babu Kambhampati chuan khuallian niin a hman pui.
He hunah hian Larsap chuan NÍT Mizoram hnuaia UG leh PG a department tin a pakhatna, gold medalist te hnen ah Gold medal leh degree a hlan. Hei Bakah hian NIT Mizoram hnuaia kawng hrang hrang a thawk tha outstanding performance nei te chawimawina award a hlan bawk.
Prof S Sundar Chairman BoG leh Director NIT Mizoram chuan hlawhtlinna chang zirlai te hnen ah degree a hlan bawk.
He hunah hian B Tech zir chhuak mi 121 te hnen ah degree hlan a ni a, mi 26 hnen ah M Tech degree hlan niin PhD hi mi 11 hnen ah hlan a ni bawk.
Mizoram Larsap Dr Hari Kambhampati chuan NIT chu zirna in tha leh changtlung tak niin, heta tanga zir chhuak thei a ni chu thil lawmawm a nih thu leh hma hun en tak an neih thu a sawi a.
Larsap chuan zirlai te chu tunlai thiamna piah lamah Hmanlai thiamna te hmang kawpa danglamna thlen tu ni turin a chah a, mi lehkhathiam te leh tih tak tak a hna thawk te avangin kan ram hian hmasawnna leh danglamna a hmu thei a ni a ti.
NÍT atanga zir chhuak te chu rampum huap a a thiam ber te zing ami an nih thu sawi in, hringnun ah lawmna Chang hre reng turin te leh rinawm a hna te tha taka thawk turin a fuih a
Chief Guest, Dr. Hari Babu Kambhampati chuan zirlaite chu khua leh tui tha ni turin a sawm a, an mimal tan mai nilo, khawtlang tana hmasawnna thlen turin heng innovation, entrepreneurship leh start-up ah te theihtawp chhuaha hma la turin a chah nghal bawk a ni.
NIT Mizoram hnuaia Zirlai chhuak tharte 70% lai hian hna an hmu nghal a, chung zingah placement hmu sang ber chu Electronics & Communication Engineering Department a ni. Zirlaite hi heng company hriat hlawh tak tak, Larsen & Toubro, Infosys, Vendata, Samsung Electronics, Alstom, Deloitte USI, 314e Corporation, ThoughtSpot, Albatronix Consulting, Info Edge, Valiance Solutions, Tata Consultancy Services, Centre for Development of Advanced Computing (CDAC), Publicis Sapient, Tata Power, Anheuser-Busch InBev GCC, Cogoport Corporation te hi a langsar zual an ni. 2018-2022 inkara B.Tech zirlai zinga hna hmu sang ber pakage chu nuai 17 a ni.
