Vawiin chawhma khan Raj Bhavan-ah Mizoram State Council for Child Welfare(MSCCW) hotute leh Governor Hari Babu Kambhampati an inkawm a. He hunah hian MSCCW hotute chuan an pawl hmalakna te hrilhin an pawl danbuin a phut angin Governor chu Chief Patron of MSCCW atan an sawm nghal a ni.
Governor leh MSCCW inkawmnaah hian naupangte tana hamthatna, naupangte humhimna kawng leh naupangte thlamuang taka society a an lo than lenna tura hmalakna te an sawi a. Governor hnenah hian MSCCW hotute chuan an hmalakna huanga National Painting Competition buatsaih chungchang, National Bravery Award for Children thlanchhuah kawnga hmalakna te, naupang huaisen lawmman dawngte te zirna senso chhawmdawlna chungchang te, ICCW atanga naupang chhawmdawl ngaite tanpui an nih dan te report an pe a ni.
Governor an kawmnaah hian MSCCW aiawh in Pu C.Lalrinliana, Working President, Pu JC Japanruna, Vice President, Pu Rosiamliana Ralte, Vice President, Pi Rozami, GS leh Pi Lalengruali Sailo, Treasurer te an tel a ni.
