National Health Mission Employees Union ( NEUM) leh Mizoram Sawrkar inbiak remna chu PC.Thalaite chuan lawmawm an tih thu an sawi.
Nimina thuchhuah an siamnah, “NHM , Mizoram Sawrkar hnuaia thawkte’n a ngheta la tur te, a hun taka hlawh pe thin tur te leh thil hrang hranga sawrkar an lo ngen thinna ten hun rei tak bengkhawn a hlawh loh avanga an lungawilohna lantir nana March 14-17 chhung badge dum an bel pawhin awmzia a neih loh hnuah March 21- 24 chhunga a huhoa chawlh, Mass Casual leave lak zui zel an tumna te ngaingam lova, Mizoram sawrkarin an thil phut te ngaihtuah sak a lo inhuam ta chu PC Thalaite’n lawmawm kan ti hle.
“Hetianga Mizoram sawrkarin NEUM te thil phut tihhlawhtlin sak tuma ruahmanna a siam te hi hlawhtling taka hlenchhuah a nih theih nan chak taka bawhzui nghal turin PC Thalaite chuan Mizoram sawrkar kan ngen a.Kan lo thlir reng dawn a ni,” tiin an tarlang bawk.
