Lawngtlaiah Retailer ten Ration Buhfai sem rih loh tum

Lawngtlai District Retailer Association chuan buhfai semchhuah naa harsatna an tawh chungchangah thuchhuah siamin, an harsatna an tawh sut kian a nih hma chuan buhfai khulh leh semchhuah rih loh an tum thu an sawi.
Lawngtlai District Retailer Association chuan, “Directorate, FCS &CA thuchhuak angin, Online hmang chauhin buhfai sem tur a ni a. Kan theih tawpin Internet signal thatna hmunah te kalin buhfai sem thin a ni a. Amaherawhchu, Lawngtlai District hi District hnufual, internet signal chhiat berna district kan ni a. Khawpui chhungah tak tak pawh kan hriat theuh angin internet signal hi a that chang aiin a chhiat chang a tam zawk a. Tin, internet signal bakah power supply a chhe em em bawk a ni.
“Finger print hmu thei miah lo leh finger print nemtu ber damlo/ khaw danga zin, an chhungkaw dang buhfai is lo theilo dinhmuna ding, khawsak harsa em em te an awm ye leh teuh bawk a. Pianphunga rualbanlote pawh an awm ve bawk a, chuvangin heng ho harsatna hi a serious hle a. Heng mipui harsa tak tak te buhfai chanai hi dan anga pek loh tawp an harsa hle a, hetia min carry over sak leh mai hi hriatthiam harsa kan ti takzet a ni.
“Sorkarin carry over a kalpui a, amaherawhchu duhsak zawng bik a nei emaw chu tih turin thenkhat transaction ti chhe em em chungin a carry over nei tlem leh si te an awm bawk a. Carry over hi a khairual lo em em bawk a ni.
“Heng kan harsatna hi mipuite kan ngaihtuah yang leh mipuiin buhfai ei tur an tlakchham dawn avangin Carry over neih hi kan duh lo a. Sorkarin heng kan lungawilohna hi min ngaihven a, hma min laksak vat turin kan duh hle a ni. Chuvangin thu thar kan hriat hma chu Retailer ten buhfai khulh leh sem rih loh tur a ni,” tiin thuchhuah an siam.