Leiminin mi pathum delhin pakhat thi

RIPANS building sak lai bula kopang chu vawiin tlai khan a chim a, leimin hian Jarkhand lam mi hmeichhia pathum te chu a delh a, pahnih chhanchhuah niin pakhat erawh chhan hman a ni ta lo a ni.
Thu dawn danin, vawiin tlai dar 3 vel khan RIPANS Administrative block hnuaia Academic IV sak mek ah hmeichhe pathum hnathawk chu kopang min in a delh a, pahnih hi chu an na lutuk lo a, pakhat erawh in nunna a chan a. An zavai hian state pawn lam atang hnathawk a awm an ni. Boralta hi hmuh a nih veleh Dr. H. Lalrinmawia, Director RIPANS chuan a tanna hmun ah chhanchhuah tumin CPR pe in a buaipui nghal a. Chhanchhuah theih a ni ta lo a ni.
Kopang min hi a nasa lo niin RIPANS lam atanga thudawnna chuan a sawi a, a hnuaia thil tifaia an lo awm lai tak a delh fuh a ni ber niin an sawi. Lei hi tlai dar thum vela min a ni a, a delh te hi tlai dar 4-ah Greenwood Hospital thlenpui hman an ni a, mahse, pakhat hi chhan hman a ni ta lo, mithi hi an khaw lama phurh turin contractor ten he thu buatsaih lai thleng hian an buaipui mek a ni.