Vawiin Dt 5thMay 2022 khan Serchhip leh Keitum inkar NH-54 laihzau hna thawh kalmek a leivung paih dan chungchang ah Zawlpui FMC hruaitute leh Kram Company hnuaia Contractor ,Davids Construction neitu Pu David Lalthawmmawia te chu Serchhip Police Station ah inbia in, Leivung paih in Zawlpui leilet neitute tan harsatna a thlen dan chungchang an sawi ho a, hemi hnu hian Kawng laih mek a Leivung paihin,Loneitute harsatna thlen loh nan a hmalak dan tur an thlirho nghal bawk.
Ministry of Road Transport & Highways, Government of India hnuaia National Highways and Infrastructure Development Corporation Ltd (NHIDCL) ten National Highway 54 laihzauh hna an thawh mek ah Serchhip leh Keitum inkar kawng laih mek Leivung paih na(Spoil bank) hi hmun thumah ruahmanna siam niin, hei bakah hian a ram neitute nen inbe remin hmun thenkhatah pawh leivung paih a ni a. Heng leivung paih Fur ruahtui tlak hunah Zawlpui phai a, zau hrang hrang te Tui lakna leh an leilet te nasa takin a tichhe dawn nia an hriat thu Zawlpui FMC hruaitute hian Contractor te hnenah vawi engemaw zat hian an lo thlen tawh a, amaherawhchu vawi engemawzat kawnglaihna vung hi paih chhunzawm anih avangin Lo neitute lungawilohna nasa zawk leh thil thalo zawk a thlen loh nan vawiin khan Serchhip Police Stationah,Serchhip Police OC Pu C Laremthanga kaihhruaina hnuaiah Zawlpui FMC hruaitute leh Contractor te hian inbiakna annei a,boruak duhawmlo thleng lova tha taka an sawiho hnuah Leivug paih na hmun hi Serchhip Police tenen an enho nghal a ni
Zawlpui FMC te duhdan in, Leivung hi kawrte remchang hmun dangah paih chhunzawm tawh lovin Leivung paihna tur bik (Spoil Bank) hmun 3 an siamah chuah paih tawh turte, Fur ruahtui tlak hma tam hma ngei a,Leivung dawlna tur tha tak siam nise an tih bakah Fur ruahtui tlak hunah pawh Zawlpui tui lakna tichhe phak lo tur,hmun dang (mual remchang) zawn nise an tih chu he lai kawnglaih hna thawktu Conmtractor te pawhin tha an tihpui bakah ,Zawlpui FMC te ruahmanna siam chu an pawmsak thu an sawi ve bawk a ni.
Serchhip Police hova inbiakna leh Leivung paihna hmun en naah hian Zawlpui FMC President, Pu Zomuana Hnamte leh hruaitu dangte bakah kawng laitu Contractor te pawh an tel ani
