Ni 28.11.2022 khan ZPM Ṭhalai hruaitute chuan Lêngpui Airport sak mek chu a hmunah kalin an enfiah a, Lengpui Airport conveyer belh sakna atâna cheng nuai 59 chuang leh conveyer belt extension sakna atâna cheng nuai 44 chuang hman a ni chu sum hmanna uchuak leh tute emaw sum siamna mai a nih leh ZPM Ṭhalaite hian an hlau tih sawiin, “A sak hna hi uluk takin a tawp thlengin ZPM Ṭhalaite hian kan thlithlai reng dawn a ni,” an ti.
ZPM Thalai chuan, “Lengpui Airport-ah hian passenger-te tâna harsatna siam khawpin nawrlirh (trolley) chu Airport sakna-a bungraw thiar vêlna atân hman a ni tih hriat chhuah a ni a, trolley chhia a tam hle a ni tih hriat chhuah a ni bawk; Hei hi thil felhlel tak a nih avângin hetiang thil hi tihtawp a nih theihna tura hma la thuai turin thuneitute kan ngen bawk a ni.
“Hripui lêng avanga chhuan chham tam tak an awm lai pawha, thildang ngaihtuah lêk lova Mizoram sawrkârin a ngaihven Lengpui Airport sak hna hi ZPM Ṭhalai chuan ngun takin a thlithlai zêl dawn a ni,” an ti bawk.
