Vawin dt 20/9/24 Friday zing dar 7 am khan Lengpui All NGO te chu Lengpui VC house ah join emergency meeting an nei a, meeting ah hian All Mizoram Car Rental Association (AMCRA) lam atanga an lehkha dawn an ngaihtuah a, meeting chuan vawin hian AMCRA counter nghaktu hian Counter nghak lo phawt se tiin an rel a ni.
Meeting zawh hian Lengpui All NGO te chuan Lengpui Airport hi an pan nghal a, AMCRA counter nghaktu Ruth Lalruatdiki, Ramhlun Sport Complex Aizawl chu Airport Gate pawn lamah lo dangin, counter a thu lo turin anti a, a hnu ah AMCRA lam hian a ruk a lo hruai lut leh in, Lengpui All NGO hian hria in an lungawilo chu mi 40 vel pungkhawm a, thu lo a lo chhuak leh turin anti a, mahse Pawl lehlam lehlam hruaittu te leh Sairang Police station OC Pu J Lalchhungnunga te chu inbia in, Aizawl DC hian vawin atanga ni 5 ral hma in meeting pui a inremna zawnpui tura antih hnu in, Lengpui lam pawh an tindarh hrih a, AMCRA counter nghaktu pawn counter anghak chhunzawm niin thu dawnna chuan a sawi.
Lengpui Airport-a passenger te lo phurh chungchangah hian AMCRA leh Lengpui lam hian tunhma atangin harsatna eng eng emaw an lo nei tawh a, tunah pawh hian inremna mumal tak an la nei thei lo nia hriat a ni.
