Pachhunga University College (PUC) Central Library chuan library-a tunlai thiamna hman tangkai chungchang zirhona ‘Digitizing Library Services Using Modern Technology ‘ an buatsaih a, Thawhlehni (June 27, 2023) khan Prof Pravakar Rath, Head, Department of Library and Information Science, Mizoram University chuan a hawng.
Library ah hian lehkhabu leh a kaihhnawih chi hrang hrang te dahthat nan digital technology hman uar a ni chho mek a, hei hian lehkhabu leh a kaihhnawih te chu thlak vek loh mah se tangkaina leh thatna tam tak a nei nghe nghe. Hetih lai hian digital technology chu electric power, khawl leh thiamna hrang hrang inkawp a nih avangin hotein a hman theih lohin a chhe palh thei a ni. Seminar hian ni hnih a awh ang a, library -a digital technology hman chungchanga mithiam hrang hrang te thuziak an zirho dawn a ni.
Seminar hawnna inkhawm hi PUC principal Prof. H Lalthanzara pawhin welcome speech neiin a telpui.
