Thawhlehni tlai dar 4:15 bawr vel khan Aizawl lam atanga Khawruhlian khaw thlen hma lawhkah ruahsur nasa avangin lei leh chirh a tawlh a, Telecom Company motor Bolero pakhat chuan lei tawlh chu tlan tlang a tum a, diakah a tang ta a. Lei tla hi a tam zui zel avangin a khalhtu leh passenger pakhat chu chhukin hmun him lamah an insaseng a. Driver hian a motor tla tur chu a buaipui a, a rahna lai lei chu a bal leh ta zel a, amah chu kawng thlang kawrah a tla a. Driver tlakna hi awih tak niin, kawng atanga hmuh phak loh thlengin a lum a, driver hi khawruhlian YMA leh mi tlawmngai ten an zawng nghal a, Driver (hnamdang) hi zing dar 4 velah hmuh a ni.
Helai kawng a tlang hnu hian tukin zing dar 2 vel khan hmar lam atanga Aizawl lam pan Pu Thandanga Hnamte, Armed veng Alto Car chu Bolero tlakna chhak lawk, kawng bal laiah a chesual veleh a. He alto car-ah hian mi pali an chuang a, chuang zing a mi Pu Lalrinawma kum 66 s/o Kapthianga (L) Armed veng chu a boral a, midang pathum; Armed veng mi vekte hian, hliam an tuar a, an zinga pahnih phei chu an na viau niin thu dawn a ni. Heng chetsualna tawkte hi vawiin khan an bialtu MLA Robert Romawia Royte chuan Helicopter hman sakin Aizawl thlenpui an ni.
