Tunlai hian mobile phoine app hmanga loan pe thei anga insawi chungchangah complaint a tam hle tih hriat a ni a. Heng mobile apss hi website kaltlang hian loan amount tlemte pek an ni thin a, amaherawhchu loan an rulh zawh hnu pawhin ‘payment failed’ anga chhuanlam te siamin, rul nawn leh tura nawrin nasa taka tihbuai chhunzawm an ni thin. An rulh nawn duh loh chuan an thlalak mawi lo deuh thehdarhsakah te vau niin, hmun thenkhatah phei chuan an chhungte pawh tihbuaiah heng misualte hian an vau thin a ni.
Hetiang apps hi install a nihin, contact number te, gallery adt te access theihna permission a dil thin a. Phone neitu in a remtihna (permission) a pek dan azirin heng apps te hian phone neitu nihna hrang hrang, thlalak, audio, video, messages, contact list adt a access thei a, chu’ng data pawimawhte chu misualten ralkhat atangin an lo la chhawng thei ta a, chumi hmang chuan anmahni leh an chhungte chu an vau ta thin a ni.
Hetianga inbumna laka kan himna turin Mizoram Police chuan a hnuaia tarlan ang hian mipuite tan thurawn a siam a ni:
1. Loan pe thei anga insawi application download loh tur
2. I mobile phone-ah application thar i install in, permission pek a ngaih hunah i mimal thil pawimawh access thei lo turin fimkhur ang che.
3. I phone-ah nangma download ni lo application a lo in-install em tih enfiah thin ang che.
4. Hetiang thila buaina i tawk a nih chuan ngawhpui mai loin Police hnenah thlen ngei ang che.
5. Mi hman tur bank account hawnna atan i documents hmantir lo la, i SIM pawh tumah hmantir lo ang che. Heng thilte hi misual tan nasa taka hmansual theih a ni.
Issued by Mizoram Police Media Cell, PHQ
