Vawiin khan State Election Commissioner Dr.H.Lalthlangliana chuan a pisa-ah Village Council leh Local Council inthlan hun February ni 12, 2025 (Nilaini) ah neih a nih tur thu a puang.
State Election Commissioner chuan inthlan puan a nih tak avangin Model Code of Conduct pawh chhawhnu dar 2:00 atang khan kenkawh nghal a nih thu sawiin, hei hian February ni 15 thleng a huam dawn a ni.
Tun tum Village Council leh AMC, LMC inthlanna neih turah hian Village Council 544, Aizawl Municipal Corporation (AMC)-ah 87 leh Lunglei Municipal Council (LMC) hnuaiah Local Council 25-ah te inthlanna a awm dawn a. Village Council 544-ah seat 2416 awmin, heng zinga seat 613 chu hmeichhiate tana hauhsa a ni a, General-ah seat 1803 a awm dawn a, Local Council 111 ah seat 723 awmin women reserve chu seat 195 niin general seat 528 a ni bawk.
VC leh LC inthlan atan hian tun thla ni 23 thleng nomination thehluh theih a ni dawn a, inhnukdawk duh tan ni 24 thleng hun hawn a ni bawk. Inthlannaa vote tlate hi inthlanni February ni 12, 2025 zan dar 7:00 atangin chhiar tan a ni dawn a ni.
